Beynəlxalq İdman Araşdırmalar Mərkəzi (CIES) futbol üzrə Azərbaycan premyer - liqasında çıxış edən komandaların baş məşqçilərinin cari mövsüm üçün orta yaş həddini açıqlayıb.

"Football-plus.az" saytının məlumatına görə, bu haqda qurumun rəsmi saytı xəbər yayıb. Martın 1-nə olan nəticələrə əsasən, hazırda ölkə çempionatında bu göstərici 42,2 yaşdı.

Premyer-liqamızın ən yaşlısı "Qarabağ"ın baş məşqçisi Qurban Qurbanov (49 yaş 343 gün), ən gənci isə "Sabah"a başçılıq edən rusiyalı Murad Musayevdi (38 yaş 132 gün).

Azərbaycan Premyer Liqası baş məşqçilərin orta yaş həddinə görə dünyada 126 liqa arasında dördüncüdü. Ölkə çempionatı yalnız Finlandiyanın 1-ci (42 yaş) və 2-ci liqasından (41,8), həmçinin ABŞ-ın Milli Futbol Liqasından (41,5 yaş) geri qalır.