İndiyə qədər 7 ölkə Azərbaycanda keçiriləcək 3-cü MDB Oyunlarında iştirakını təsdiqləyib.

"Football-plus.az" xəbər verir ki, hazırda yarışa qatılacaq nümayəndə heyətlərinin qeydiyyatı davam edir. Artıq MDB məkanını təmsil edən 7 ölkədən (Azərbaycan, Belarus, Qazaxıstan, Qırğızıstan, Rusiya, Özbəkistan, Tacikistan) 23 idman növü üzrə ümumilikdə 1659 idmançı qeydiyyatdan keçib. Qeydiyyatdan keçmiş nümayəndələrin ümumi sayı isə 2385 nəfərdi.

İlkin mərhələdə yalnız MDB ölkələrinin nümayəndə heyətləri qeydiyyatdan keçirilir. İkinci mərhələdə isə qeydiyyat MDB-yə üzv olmayan, yarışda xüsusi dəvət əsasında iştirak edəcək ölkələrin nümayəndə heyətləri üçün aparılır. Ümumilikdə Oyunlara dünyanın 23 ölkəsindən 5500-ə yaxın iştirakçının qatılması gözlənilir.

3-cü MDB Oyunları 28 sentyabr – 8 oktyabr aralığında Azərbaycanın 7 şəhərində – Gəncə, Yevlax, Mingəçevir, Qəbələ, Şəki, Göygöl və Xankəndidə keçiriləcək.