“Manşester Yunayted”də mövsümün ən yaxşı futbolçusu məlum olub.

Klubun mətbuat xidmətinin yaydığı xəbərə görə, azarkeşlər arasında aparılan səsvermədə komandanın kapitanı Bruno Fernandeş bu ada layiq görülüb. Portuqaliyalı yarımmüdafiəçi artıq 4-cü ildi bu mükafatı qazanır. O, səsvermədə Amad Diallo və Harri Maquayrı qabaqlayıb. Brunodan başqa yalnız Kriştano Ronaldo və David De Xea MY-də 4 dəfə mövsümün ən yaxşısı seçilib.

30 yaşlı futbolçu bu mövsüm komandada 54 oyuna 19 qol vurub və 19 məhsuldar ötürmə edib.