''Futbol bizim qanımızdadı. Bir dönəm Həmzə Həmzəoğlu ilə yaxşı işbirliyi qurmuşduq. Artıq müstəqil məşqçi kimi karyeramı davam etdirmək istəyirəm. Həmzəoğlu hazırda Səudiyyə Ərəbistanında Fatih Terimin köməkçisidi. Həmzəoğlu ilə ''Qalatasaray''da bir mövsümə 3 titul qazanmışdıq. Unudulmaz mövsüm idi. Çox çətin şərtlər altında çempion olmaqla faktiki olaraq möcüzə reallaşdırmışdıq. Daha sonra kubok və superkuboku da qazanmışdıq. İndi eyni həyəcanla qardaşımın uğurlarını izləyirəm. Bu mövsüm sosial şəbəkə çox gündəmdə oldu. Okanı psixoloji cəhətdən çoxları yormağa çalışdı. Amma bu qədər haqsız böhtanlara baxmayaraq ''Qalatasaray'' ideala yaxın bir mövsüm keçirdi. Tər-təmiz bir çempionluq qazanacaqlar. Bu komanda ötən mövsümdəkindən də güclüdü. Əli Koçun, Acun Ilıcalının, Mourinyonun davranışları, hərəkətləri, sözləri ''Qalatasaray''ı daha da qıcıqlandırdı. Çünki rəqib camiə hər dəfə ''Qalatasaray''a kimlərinsə kömək etdiyini bildirərək ortaya əsassız iddialar ortaya atırdı. Bütün bunlar Okanı və futbolçuları daha da qəzəbləndirdi. Qardaşım həm bu propaqandaya, həm də sosial şəbəkələrdəki hücumlara qarşı çox yaxşı müqavimət göstərdi. Göstərməkdə də davam edir. Ona təbii ki, təkliflər də olur. Hələ ötən mövsümün gedişində ona Avropadan təkliflər var idi. Sabitlik yaxalamağı bacarıb. Gec-tez onu mütləq Avropa klublarından birinin başında görəcəyik. İngilis, italyan, hətta az da olsa, fransızca da danışa bilir. Avrokuboklarda ən vacib oyunlar çox şanssız bir dönəmə təsadüf etdi. ''Qalatasaray'' o matçları indi oynasaydı, əminəm ki, hər şey fərqli olardı. Çünki artıq yeni gələnlər də komandaya alışıb və sistem oturuşub. Kubokdakı derbinin ardından Mourinyo ilə Okan Buruk arasında yaşananlar haqda nə deyə bilərəm? Əslində deyiləcək bir söz yoxdu. Hər şey göz önündə baş verdi. Okan orda yerə yıxılmaqla əslində Mourinyonun hərəkətinə diqqət çəkmək istədi. Zatən məsələni uzatmadı. Olay ordaca bağlandı. Əslində Mourinyonun hərəkəti bütün türkiyəli məşqçilərə qarşı edilmiş bir hərəkətdi. Ehtiyat zonada yer alan hər bir şəxs özünü bu vəzifəyə uyğun aparmalıdı. Baş məşqçilər centlmen və başqalarına örnək olmalıdı''.