Bir neçə gün əvvəl Florian Virtsin “Bavariya” ilə razılığa gəlməsi haqda xəbər yayılmışdı.

Lakin o, yayda İngiltəyə yollana bilər. “Mançester Siti”nin baş məşqçisi Xosep Qvardiola “Bayer-04”ün yarımmüdafiəçisi ilə gizli danışıqlar aparıb.
Bu haqda İngiltərənin “The Sun” nəşri məlumat yayıb. Məlumata görə, 22 yaşlı futbolçu atası və anası ilə birgə İngiltərəyə yola düşüb. Qvardiola ilə görüşdən sonra isə onlar Almaniyaya qayıdıblar.
İngiltərə klubu Virtsin transferində “Bavariya”nı qabaqlamaq istəyir. Bu məqsədlə onun üçün İngiltərədə rekord sayılan transfer məbləği də təklif olunur: 126 milyon funt sterlinq.

Yeri gəlmişkən, hazırkı rekord 2023-cü ildə 115 milyon funt sterlinqə “Brayton”dan “Çelsi”yə keçən Moyses Kaysedoya məxsusdu.