Florian Virtsin mövsümün sonunda “Bayer-04”ü tərk etmək ehtimalı artıb.

"Football-plus.az" xəbər verir ki, alman yarımmüdafiəçi karyerasını “Barselona”da davam etdirməyə yaxındı. Bu barədə “El Nacional” məlumat yayıb.

Dəyəri “transfermarkt” portalı tərəfindən 140 milyon avro qiymətləndirilən 21 yaşlı futbolçu İspaniya klubunun əsas transfer hədəfidi. Klubun prezidenti Xuan Laporta və idman direktoru Deku Souzanın artıq transfer üzərində işə başladıqları qeyd edilir.

Florian ilə “Real” və “Mançester Siti” də yaxından maraqlanır. Bu klublar ona “Barselona”dan daha yüksək maaş da təklif edə bilərlər.

Qeyd edək ki, Florian bu mövsüm klubunda 35 oyun keçirib, 15 qol vurub və 12 məhsuldar ötürmə edib.