Məlum olduğu kimi bu gün Qaziantepdə Türkiyə kubokunun finalında ''Trabzonspor''la ''Qalatasaray'' üz-üzə gələcək.

''Football-plus.az'' xəbər verir ki, bu, komandaların finaldakı 4-cü dueli olacaq. Bu iki nəhəng camiə daha öncə kubokun finalında 3 dəfə - 1976, 1985 və 1995-ci illərdə qarşılaşıb. Əvvəlki hər üç finalda qalib iki oyunla müəyyənləşib. 1976-nın finalında səfərdə oynayan komandaların 1:0-lıq qələbələri qeydə alındı. Penaltilər seriyasında sevinən İstanbul nəhəngi olmuşdu.

1985-ci ildə evdə 2:1 qalib gələn və səfərdən qolsuz bərabərliklə dönən ''Qalatasaray'' yenə sevinən tərəf olmuşdu. 1995-də isə ''Trabzonspor'' həm evdə (1:0), həm də səfərdə (3:2) qalib gələrək kuboka sahib çıxmışdı. Yəni finallarda qələbə hesabında ''Qalatasaray'' 2:1 öndədi.

Ümumilikdə isə ''Cim-Bom'' indiyə qədər bu turnirdə iştirak etdiyi 23 finalın 18-də, qaradənizlilər isə 16 finalın 9-da qalib gəlib.