İngiltərə premyer-liqasında mövsümün ən yaxşı futbolçusu müəyyənləşib. Laureatın kimliyi heç kimi təəccübləndirməyib.

İngiltərə Futbol Jurnalistləri Assosiasiyası fərdi mükafata “Liverpul”un oyunçusu Məhəmməd Salahı layiq görüb. Misirli hücumçu səslərin 90 faizini toplayıb ki, bu da 21-ci əsrdə ən yüksək nəticədi. Salah 3-cü dəfə bu mükafatı qazanmaqla Tyerri Anrinin rekordunu təkrarlayıb. O, bundan əvvəl 2018 və 2022-ci illərdə də premyer-liqanın ən yaxşı oyunçusu seçilmişdi.

Məhəmməd bu mövsüm bütün turnirlərdə “Liverpul”un formasında 50 oyuna çıxıb, 33 qol vurub və 23 məhsuldar ötürmə verib. 32 yaşlı futolçunun komandası artıq sona çatmaqda olan mövsümün qalibi olub.