''Osimhen özəl və Türkiyə futbolu səviyyəsinin üzərində bir futbolçudu. Onun ''Qalatasaray''dan öncə bizə təklif olunduğu haqda deyilənlər yalandı. Heç vaxt bizə təklif olunmayıb. O, Türkiyəyə gələn gün mən işlərimlə əlaqədar Nyu Yorkdan Londona uçmalı olmuşdum. Ora səhər saatlarında çatdım. Yorulduğum üçün bir neçə saat yatmaq istədim. Yatdığım sırada telefonuma saysız-hesabsız mesajlar gəlibmiş. Orda təhqirlərə yol verənlər də olmuşdu. Osimhen əslində Səudiyyə Ərəbistanına yollanmalı idi. Son anda ''Napoli'' prezidenti şərtləri dəyişərək qiyməti artırdı. Əslində rəqəm o qədər də yüksək deyildi. Amma ərəblər vaz keçdi. Avropada da artıq transfer pəncərəsi bağlanmışdı. Transfer oluna biləcəyi yeganə yer Türkiyə idi. ''Qalatasaray''a qismət oldu. Deməzdim ki, bizim hücumçularımızın məhsuldarlığı aşağıdı. Amma yeni bir hücumçuya həqiqətən də ehtiyacımız var. Osimhen isə başqa səviyyədi. Belə futbolçu Türkiyəyə 40 ildə bir dəfə gəlir. Osimhenin ''Qalatasaray''da qalacağı müzakirə olunur. Belə bir anlaşma qaydalara görə olsa, onlarda artıq xərc limitində yer qalmaz. Bir futbolçu ilə limit dolar. Bəxt sadəcə ''Qalatasaray''ın üzünə güldü. Digər tərəfdən onlarda İkardi də zədələndi. Bəlkə də ikisi bir yerdə oynasaydı, daha çox problem yaşaya bilərdilər''.