Bilindiyi kimi, "Traktor" İran çempionatının səfərdə keçirilən 28-ci tur matçında "Şəms Azər"i darmadağın etməklə (4:0) çempion oldu. Təbriz təmsilçisinin tərəfdarları Təbriz, Ərdəbil, Qəzvin, Mərənd, Həmədan və başqa şəhərlərdə çempionluğu qeyd etdi.

"Football-plus.az"ın məlumatına görə, tarixi uğurla bağlı bayram günləri daha uzun sürəcək. Bunu klubun rəhbəri və hər mövsüm kluba çox ciddi məbləğdə maliyyə ayıran iş adamı Məhəmməd Reza Zonouzi bildirib. O, tezliklə azarkeşlərin də iştirak edə biləcəyi zəfər şənliyinin təşkil olunacağını bildirib. Tədbirin nə vaxt baş tutacağı hələ bəlli deyil. Lakin Zonouzi bu yöndə hazırlığa başlandığını deyib.

Xatırladaq ki, "Traktor" mövsümün ilk 28 matçında 64 xal toplayıb. Bu o deməkdi ki, 56 xalla liderin ən yaxın izləyicisi olan "Sepahan" son iki turda qələbə qazansa da, təbrizlilərə çata bilməz.

KƏNAN BAHADIR