“Araz-Naxçıvan”ın hücumçusu Ülvi İsgəndərov sosial şəbəkə hesabında son oyunlarından birinin qolu ilə bağlı maraqlı paylaşım edib.

Futbolçu paylaşıma premyer-liqanın son turunda “Səbail”in qapısına vurduğu qolu əlavə edib. Həmin oyun 1:1 hesabı ilə yekunlaşıb və İsgəndərov Muxtar Respublika təmsilçisinin yeganə qolunu vurub. Paylaşımın davamında isə ötən mövsüm “Qəbələ”nin heyətində çıxış edərkən “Sabah”a vurduğu qolun videoçarxı da yer alıb.

Bu paylaşım qəbələli azarkeşlərin də diqqətindən yayınmayıb. Onlar paylaşımın şərh bölümündə İsgəndərova “qayıt gəmiyə, klubun sənə ehtiyacı var” kimi ifadələrlə müraciət ediblər, yəni futbolçunu əvvəlki klubuna qayıtmağa çağırıblar. Maraqlıdı ki, Ülvi də belə çağırışları bəyənib.

ƏSƏD SEYİDOV