Xatırlayırsızsa, AFFA İcraiyyə Komitəsinin ötən ilin iyununda keçirilən iclasında 1-ci liqada çıxış edən “Qəbələ”yə akademiya və infrastrukturun saxlanılması məqsədilə bir il müddətinə 700 min manat vəsaitin ayrılması qərara alınmış, kluba dəstək üçün müxtəlif yaş qrupları üzrə yığmaların, həmçinin hakimlərin Qəbələdə təlim-məşq toplanışlarının keçirilməsi nəzərdə tutulmuşdu.

Aprelin 17-də saytımızda yer alan xəbərdə AFFA “qırmızı-qaralar”a vəd etdiyi məbləğin 400 min manatını ödədiyini, qurumun qalan məbləği qısa müddətdə verəcəyini yazmışdıq.

Mövzuyla bağlı redaksiyamıza yeni məlumat daxil olub. “Football-plus.az” xəbər verir ki, federasiya hələ qalan məbləği ödəməyib. Kluba 300 min manatın mayın ortalarında ödəniləcəyi deyilib.

KƏNAN BAHADIR