Xabi Alonsonun mövsümün sonunda “Bayer-04”dən ayrılacağı və vətəni İspaniyaya qayıdacağı böyük ölçüdə məlumdu.

Bilindiyi kimi, “Real” rəhbərliyi onu komandaya baş məşqçi təyin etməyi planlaşdırıb. Gözlənilən təyinatla bağlı yeni detallar ortaya çıxıb. “Relevo”nun məlumatına görə, ispaniyalı mütəxəssis yayda keçiriləcək Klublararası Dünya Çempionatında madridlilərə başçılıq etmək istəmir. O, hələlik komanda haqda ətraflı məlumat toplamaq, işə növbəti mövsümdən başlamağı düşünür. “Relevo”nun məlumatında “Real”a müvəqqəti olaraq Santyaqo Solarinin (o, klubun direktorudu) rəhbərlik edəcəyi bildirilir.

Baş məşqçi Karlo Ançelottini istefaya göndəriləcəyi haqda xəbərlər çoxdan yayılır. İtaliyalı mütəxəssis də komandadan ayrılaraq Braziliya yığmasını çalışdırmaq niyyətindədi.