Xabi Alonsonun növbəti mövsümə hansı komandada baçlayacağına hələ də rəsmən aydınlıq gəlməyib.

"Football-plus.az" xəbər verir ki, “Real” rəhbərliyi “Bayer-04”ün baş məşqçisi ilə danışıqları davam etdirir. 

“Relevo” nəşrinin məlumatına görə, Madrid klubunun baş məşqçisi Karlo Ançelottinin gələcəyi onun bu mövsüm komanda ilə qazanacağı titullardan asılıdı. İtaliyalı mütəxəssis daha bir il “kral klubu”nda qaldığı halda, Alonso Leverkuzen klubundakı işini davam etməyə hazırdı.

İddiaya görə, ispaniyalı mütəxəssis “Real”a təyinat alsa tanıdığı futbolçuları transfer etmək istəyir. Alonsonun “Bayer-04”ün bir neçə oyunçusunu İspaniyaya aparmaq istəyəcəyi məlumdu. Lakin “Real” rəhbərliyi yalnız maliyyə cəhətdən sərfəli olan futbolçuları transfer etməyə hazırdı.