“Traktor” 22-ci turdan təxirə salınan “Fulad”la səfər oyununda qalib gəlməklə ən yaxın izləyicisi “Sebahan”dan 5 xal önə çıxdı.

“Football-plus.az” təbrizlilərin xorvat baş məşqçisi Draqan Skoçiçin mətbuat konfransından hesabatı təqdim edir.

- Niyə VAR yalnız bizim oyunlarımızda kəsilir? İkinci qolu Həşim Nicat vurdu, amma bu qol Allahın işi idi. Çox çətin oyun oldu, yaxşı rəqibə qarşı oynadıq. Hava şəraiti pis idi və komandamızın oyun tərzindən o qədər də razı qalmadım. Məncə, yaxşı oynaya bilmədik. Havanın ağırlığı və matçın önəmi artıqdan çox əngəl yaratdı. Birinci qoldan sonra uzun fasilə düşdü. Müdafiədə konsentrasiyamızı itirdik və qol buraxdıq. İkinci qol… Allahın işi idi. Həşim Nicat yaxşı oynadı, ondan razıyam, amma bu qol tamamilə Uca Yaradanın lütfü idi. Niyə video-texniki köməkçi (VAR) yalnız bizim oyunlarımızda kəsilir? Haqqımız bu qədər asanlıqla pozuldu. Qələbə haqqımız idi. Gələcək oyuna hazırlaşacağıq – hələ heç nə bitməyib, yaxşı ritmimizi qorumaq lazımdı. Qalan oyunlar önəmlidi, ona görə tam hazır olmalıyıq.

- Xudadat Əzizi komandaya meydandan çıxmağı təklif etmişdi, siz buna etiraz etdiz?
- Mən baş məşqçiyəm və yalnız texniki məsələlərlə məşğulam. Başqa işlərə qarışmıram. Onunla bağlı sualınız varsa, birbaşa ondan soruşun. Başqa klub olsaydıq, nə olacaqdı? Bu, həlledici an idi və artıq üçüncü dəfədi ki, belə səhv bizimlə baş verir.

- Bu qələbə ilə çempionluq yolunda böyük addım atdız?
- Hələ çempionluğu düşünmürəm. VAR səhvləri bir neçə dəfə bizimlə təkrarlanıb. Məşqçi kimi düşünürəm ki, ayrı-seçkilik var. Digər komandalar üçün VAR necə işləyirsə, bizim üçün niyə elə deyil? Burda qərəz varmı? Belə səhv çempionluq yolunda həlledici ola bilərdi. Mövsümü gözdən keçirin, görərsiz ki, hansı komandaları məhz belə hakim səhvləri itkilərə sürükləyib. Bu gün hakim uzun fasilə verdi, sonra “görüntü kəsilib” dedi. Bilirəm ki, VAR texnologiyası bu ildən İran futboluna daxil edilib, amma texniki problemlər bizdə qəribə səviyyədədi. Biz xahiş etmişdik ki, VAR otağındakı səsləri və görüntüləri təqdim etsinlər, amma hələ heç bir reaksiya görmədik. Mən istəyirəm ki, İran futbolu tam şəffaf olsun – təkcə bizim üçün yox, bütün ölkə üçün. Oyun bərpa olunandan dərhal sonra VAR yenidən işə düşdü. Bu, adi bir səhv deyil. Penaltimizi versəydilər (50-ci dəqiqədəki epizodu nəzərdə tutur – red.), oyunu daha yaxşı nəzarətdə saxlayardıq. Özünüzü futbolçuların yerinə qoyun: haqlarınız bu cür asanlıqla pozulsa, necə motivasiya ola bilərsiz? Bu gün VAR əvvəlkindən də irəlidə idi – kəsildiyi an təkcə mavi ekran yox, eyni zamanda sarı və çəhrayı görüntülər də göründü.

- “Çadormalu" ilə oyundakı hadisələrlə bağlı nə deyə bilərsiz?
- Mənim işim günahkarı cəzalandırmaq deyil. Oyunların videolarına baxın. Biz sonuncu komandayıq ki, hakim qərarından faydalanmışıq. Mənim dediklərim şəxsi mübahisə deyil, hamı üçün ədalət tələb edirəm. Bu gün olanlar matç üçün həlledici idi. Belə hadisələrin baş verməsi inanılmazdı, bəlkə də bu da bizim taleyimizdi.

MÜZƏFFƏR QULUZADƏ