“Hansı klubun “Forza Neftçi” kimi ideal, azad azarkeş qrupu var?” – fanklub sərt qərar verdi
“Neftçi” ölkə kubokunda mübarizəni dayandırandan sonra komandanın əsas fanklubu “Forza Neftçi” əvvəlki dəstəyi göstərməyəciyi, hətta səssiz qalacağı barədə bəyanat yayıb.
“Football-plus.az” son bəyanatla bağlı “Forza Neftçi”nin rəhbərlərindən Səccad Abasovla əlaqə saxlayıb:
“Biz yenə tribunada olacağıq, sadəcə, dəstək verməyəcəyik. Sakitcə oturub oyuna baxacağıq. İdeologiyamızdan dönən deyilik. Komanda oynamaq istəmirsə, mənim azarkeşim onlara görə əziyyət çəkməli deyil. Biz bu mövsüm əlimizdən gələn hər şeyi etmişik. Adımıza layiq şəkildə. Hansı klubun “Forza Neftçi” kimi ideal, azad azarkeş qrupu var? Hər şey loqoya fəda olsun. “Neftçi”nin adının halal xoşu olsun. Loqonu ucuzlaşdırmağa qoymayacağıq”.
MÜZƏFFƏR QULUZADƏ
Digər xəbərlər
