Messi: “Mundial barədə düşünürəm”
Lionel Messi yaxın gələcəyi ilə bağlı açıqlama verib.
"Football-plus.az" xəbər verir ki, dünya şöhrətli futbolçu hazırda bütün diqqətini “İnter Mayami”dəki çıxışına yönəltdiyini deyib. 37 yaşlı argentinalı hücumçu DÇ-2026-da iştirak etmək istədiyini də gizlətməyib:
“Əsas diqqətimi indiki zamana yönəldirəm. Amma gələn il keçiriləcək dünya çempionatı haqda düşünmədiyimi desəm, yalan danışmış olaram. Bəli, mundial barədə düşünürəm. Bu il gələcəyimlə bağlı qərarlar qəbul etmək baxımından əsas olacaq. Mən özüm üçün ən uyğun olan tempi yaxalamaq və bundan sonrakı çıxışımda ardıcıllıq tapmaq istəyirəm”.
Messi 2023-cü ilin yayından çıxış etdiyi “İnter Mayami”də indiyədək bütün turnirlərdə 49 matça çıxıb, 42 qol vurub və 21 məhsuldar ötürmə verib. Onun klubla müqaviləsinin müddəti bu ilin sonuna qədərdi. Rəhbərliyin DÇ-2022-nin qalibi üçün yeni təklif hazırladığı iddia olunur.
Digər xəbərlər
