Lionel Messi Səudiyyə Ərəbistanından növbəti fantastik təklif alıb.

"Football-plus.az" xəbər verir ki, “Əl-Hilal” argentinalı hücumçuya 1 milyard avro maaş təklif edib. Bu barədə “Le10sport” məlumat yayıb. Xatırladaq ki, “Əl-Hilal”ın nümayəndələri Messi PSJ-də çıxış edəndə də Parisə yollanaraq ona çox sərfəli məvacib təklif etmişdilər. Lakin argentinalı futbolçu heç vaxt bu təklifi ciddi qəbul etməyib və bu yay “İnter Mayami” ilə müqavilə imzalayıb. Onun ABŞ klubu ilə müqaviləsinin müddəti 2025-ci ilə qədərdi.

Yeri gəlmişkən, argentinalı hücumçu ABŞ klubunun heyətində 14 oyun keçirib, 11 qol vurub və 5 məhsuldar ötürmə edib. Lionel komanda ilə Liqa Kubokunun qalibi olub.