“Turan Tovuz”un üçüncü yer uğrunda mübarizəni axıra qədər davam etdirəcəyini düşünürəm. Hətta deyərdim ki, bütün gücünü bu mübarizəyə qoyacaq. Berdıyevin komandasının son 5 oyunda qarşılaşacağı komandalar xal qazanmaq baxımından daha uyğundu, nəinki “Araz Naxçıvan”ın rəqibləri. Həm də inanmıram ki, “Turan Tovuz” Konfrans Liqasına vəsiqəni hansısa bir komandaların nəticəsinə bağlasın. Çünki kubokda “Sabah” və “Neftçi” də var. “Sabah” komanda olaraq, yaxşı futbolçulardan qurulub, bütün gücünü yarımfinalın ilk oyununda qazandığı üstünlüyü əldən verməmək üçün səfərbər edəcək. “Neftçi” isə həmişə iddialıdı. Baxmayaraq ki, “Sabah”la birinci oyunda minimal hesabla məğlub olub. Məncə, “Turan Tovuz” öz məsələsini bürünc medal qazanmaqla həll etməyə çalışacaq”.