“Kurban Berdıyev tərəfindən təhqir olmayıb” – AFFA-nın cəzası Tovuzu narazı saldı
AFFA İntizam Komitəsi “Turan Tovuz”un baş məşqçisi Kurban Berdıyevi cəzalandırıb. Buna Misli premyer-liqasının 30-cu turunun “Turan Tovuz” – “Sabah” oyununda başverənlər səbəb olub. Berdıyev 19-cu dəqiqədə qırmızı vərəqə alandan sonra hakimləri təhqir edib. Buna görə mütəxəssis üçü şərti olmaqla 5 oyun cəzalanıb. Onun üçün 3 aylıq sınaq müddəti təyin edilib. “Turan Tovuz” baş məşqçinin hərəkətinə görə 4000 manat cərimələnib.
Klub AFFA-nın cəzaları ilə bağlı apellyasiya şikayəti verəcək, yoxsa bu qərarla razıdı? Bu sualı klubun idarə heyətinin sədr müavini, infrastruktur və maliyyə üzrə direktor Əli Balakişiyevə ünvanladıq:
“Bəli, şikayət edəcəyik. Cəza ilə razı deyilik. Kurban Berdıyev tərəfindən təhqir olmayıb. Baş məşqçi meydana daxil olub və hakimin qərarından narazılıq edib. Belə cəzanın verilməsiylə razı deyilik”.
ƏSƏD SEYİDOV
