2020/21 mövsümündə qazandığı çempionluqdan bu yana Türkiyə çempionatında istədiyi nəticələri əldə etməkdə çətinlik çəkən ''Beşiktaş''da xüsusilə baş məşqçi mövzusunda yaşanan qeyri-sabitlik heyrət doğurmaya bilməz.

Təkcə bir faktı vurğulayaq ki, 2020-ci ilin yanvarın 1-dən bu yana, yəni son 64 ayda İstanbul nəhəngində 10 fərqli məşqçi çalışıb! Bu da orta hesabla hər 6 aya bir məşqçi deməkdi. Bunlardan 2-si - Şenol Burak Yılmaz və Sərdar Topraktəpə müvəqqəti məşqçi funksiyanı icra edib. Ona görə də onların işlədiyi müddət nəzərə alınmır. Daimi məşqçi kimi çalışanlar arasında isə ən uzun müddət vəzifədə qalan isim Sərgən Yalçın olub. 680 gün işləyən Yalçın 2020/21-dəki çempionluğun əsas memarıdı. İkinci pillədə isə 343 günlə Şenol Günəş qərarlaşıb.

Bu müddətdə ən tez qovulan məşqçi isə Rza Çalımbay olub. Təcrübəli mütəxəssis 2023-cü ilin noyabrın 10-da baş məşqçi vəzifəsinə gətirildikdən 41 gün sonra - dekabrın 22-də qovuldu. Hazırda çalışan Ole Qunnar Sulşerin isə yanvarın 19-dan bu vəzifədə olduğunu bildirək.