''Beşiktaş''da bütün diqqətlər gələn bazar günü baş tutacaq növbədənkənar prezident seçkilərinə yönəlib.

Prezidentliyə hər iki namizəd - Hüseyin Yücəl ilə Sərdar Adalının baş məşqçi postuna əsas namizədi Sərgən Yalçındı. Onların hər ikisi məhz Yalçın ilə işləmək istədiklərini gizlətmir. Amma Sərdar Adalını B planı olduğu da üzə çıxıb. ''A Spor'' kanalının məlumatına görə Adalı Sərgən Yalçının alternativini müəyyənləşdirərək artıq onunla əlaqəyə keçib.

Söhbət Edin Terziçdən gedir. Ancaq Terziçin də öz planları var. 42 yaşlı xorvatəsilli almaniyalı mütəxəssis ''Tottenhem''lə qeyri-rəsmi danışıqlar aparır. O, yalnız ''Tottenhem'' variantı alınmayacağı təqdirdə Türkiyəyə gəlmək barədə düşünə biləcəyini vurğulayıb.

Yeri gəlmişkən, ''Beşiktaş'' Terziç üçün heç də yad klub deyil. O, 2013-15-ci illərdə Slaven Biliçin köməkçisi kimi İstanbul nəhəngində işləyib. Son olaraq Dortmund ''Borussiya''sını çalışdıran və bu komandanı ötən mövsüm Çempionlar Liqasının finalına daşımaqla diqqət çəkən Terziç yaydan bu yana işsizdi.

ƏLİ