“Nəticədə neçə turdan sonra qələbə qazana bildik” – “hərbçilər” güldü
1-ci liqanın 21-ci turunda MOİK “Cəbrayıl”ı 2:1 hesabıyla məğlub etdi.
“Hərbçilər” Orxan Səfiyaroğlunun rəhbərliyi altında ilk qələbəsini qazandı. Ötən ay baş məşqçi postunda Qəzənfər Abbasovu əvəzləyən gənc mütəxəssis 2 turluq qələbə həsrətinə son qoydu. MOİK isə 25 xalla 6-cı pillədə qərarlaşıb.
Orxan Səfiyaroğlu “Football-plus.az”a “Cəbrayıl”la oyun haqda bunları dedi:
“Cəbrayıl”la oyunda istənilən pis nəticənin bizi uçuruma aparacağını bilirdik. Buna görə həm biz məşqçilər heyəti, həm də futbolçular oyuna tam ciddi şəkildə kökləndik. Nəticədə neçə turdan sonra qələbə qazana bildik. “Qara zolaq”dan az da olsa, uzaqlaşa bildik. Amma bununla kifayətlənmirik. Qarşıda ağır oyunlarımız var. Hər oyuna qələbə üçün çıxacağıq”.
ƏSƏD SEYİDOV
Digər xəbərlər
