Serbiyalı ulduzun atası Türkiyə klublarının adını çəkdi
''Milan''ın forvardı Luka Yoviç karyerasını Türkiyədə davam etdirə bilər.
''Football-plus.az'' xəbər verir ki, ona ''Beşiktaş'' və ''Trabzonspor'' kimi Türkiyə nəhəngləri maraq göstərir. Bu arada təcrübəli futbolçunun atası onun Türkiyə klublarının maraq dairəsində olduğunu təsdiqləyib. Ata Yoviç Serbiya mətbuatına bunları deyib:
''Bəli, ''Beşiktaş'' və ''Trabzonspor'' Lukaya ciddi maraq göstərir. Amma mənim fikrimi bilmək istəyirsizsə, onun ''Milan''da qalması daha yaxşı olardı. Hərçənd yayda klubda hansı dəyişikliklərin olacağını bilmirik. Ciddi dəyişikliklər baş versə, bizim də ayrılmaqdan başqa çarəmiz qalmayacaq''.
Yoviçin atası oğlunun ''Montsa''nın da hədəfində olduğunu əlavə edib. 2019-cu ildə 63 milyon avroya ''Ayntraxt''dan ''Real''a transfer olunduqdan bu yana karyerası istənilən şəkildə keçməyən 27 yaşlı futbolçu ''Milan''da ikinci mövsümünü keçirir. Bu mövsüm o, 9 rəsmi oyunda cəmi 200 dəqiqə oynamaq fürsəti qazanıb və 2 qol vurub. Maraqlıdı ki, bu qollar A seriyasının son iki turuna təsadüf edib.
Əslində Yoviç hələ ötən yay Türkiyəyə gələ bilərdi. Menecerlər onu ''Fənərbaxça''ya təklif etmişdilər. Amma Joze Mourinyo bu futbolçuya yox, Ən-Nəsiriyə üstünlük vermişdi.
Digər xəbərlər
