Türkiyə yığmasının heyətində AÇ-2024-ə yollanacağı gözlənilən Yusuf Yazıcının gələcək taleyinə hələ də aydınlıq gəlməyib.

“Football-plus.az” xəbər verir ki, ''Lill'' ilə müqaviləsinin müddəti başa çatan təcrübəli futbolçu hazırda azad agent statusundadı. İspaniyanın ''As'' nəşrinin iddiasına görə Yusuf Səudiyyə Ərəbistanından çox sərfəli təklif alıb. ''Əl-Şabab'' 27 yaşlı vingerə illik 12 milyon avroluq astronomik maaş təklif edib! Amma Yusuf İtaliya klublarının da maraq dairəsindədi. Ona ''Latsio'' və ''Milan'' maraq göstərir. ''Milan'' variantı daha ağlabatandı. Çünki son 2 ildə ''Lill''i çalışdıran və Yazıcının potensialına gözəl bələd olan Paulo Fonseka ən qısa müddətdə ''roasonyerlər''in başına keçəcək. Ola bilər ki, portuqaliyalı mütəxəssis yeni klubundan məhz Yusufun transferini tələb etsin. ''Trabzonspor''un yetirməsi olan Yusuf Yazıcı 2019-dan bu yana şərəfini qoruduğu ''Lill''də 135 rəsmi oyuna çıxaraq 29 qol, 15 məhsuldar ötürmə ilə fərqlənib.

ƏLİ