“Yaratdığımız qol epizodlarını nəzərə alsaq, qələbəyə layiq idik” – rəqibin baş məşqçisi
Millətlər Liqasında C liqasının 4-cü qrupunda mübarizə aparan qadınlardan ibarət yığma dünən Monteneqronun meydanından bir xalla ayrıldı. Son ana qədər hesabla öndə olan yığmamız rəqibin 90+2-ci dəqiqədə penaltini dəqiq yerinə yetirməsi üzündən qələbəni əldən verdi – 1:1.
Əlbəttə, belə vacib matçda xal itirmək bizim üçün pis xəbərdi. Axı mümkün qələbə liderliyi təmin etməyimizə səbəb olacaqdı. Bəs, qarşı tərəf matçı necə dəyərləndirir?
“Football-plus.az” Monteneqro Futbol Federasiyasının rəsmi saytına istinadla rəqibin baş məşqçisi Mirko Mariçin fikirlərini təqdim edir:
“Qızlar əlindən gələni etdi, cəsarətlə və canla-başla mübarizə apardı, son ana qədər təslim olmadı. Təəssüf ki, ilk yarıda qol buraxandan sonra oynadığımız kimi oynaya bilmədik. Əminəm ki, eyni topda oynasaydıq, qələbə qazanacaqdı. Yaratdığımız qol epizodlarını nəzərə alsaq, qələbəyə layiq idik. Əslində 90+2-ci dəqiqədə məğlubiyyətdən qurtulmuşuqsa, nəticədən narazı qalmamalıyıq. Deməli, hələ birincilik uğrunda mübarizəmiz davam edir. Litva ilə oyunda məqsədimizə çatmaq üçün nə lazımdısa, edəcəyik”.
Xatırladaq ki, Monteneqro sonuncu oyunda – iyunun 3-də Litvanın qonağı olacaq.KƏNAN BAHADIR
Digər xəbərlər
