“Sabah”ın ölkə kubokunun yarımfinal mərhələsinin “Neftçi”yə qarşı matçında (2:1) zədələnən futbolçusu Coy-Lens Mikelsin MRT müayinəsinin cavabı bəlli olub.

Bu barədə “Football-plus.az”a klubun mətbuat xidmətinin rəhbəri Elnur Həmidov məlumat verib.

Onun dediyinə görə, almaniyalı vingerə topuq bağlarının hissəvi yırtığı (Grade 2) diaqnozu qoyulub. Bu, oyunçunun bir neçə həftə yaşıl meydanlardan kənarda qalacağı deməkdi.

Bəs, Mikels üçün mövsümün bitdiyini demək olarmı? Bu haqda dəqiq bilgi yoxdu. Futbolçunun məşqlərə konkret nə vaxt başlaya biləcəyi müalicə və bərpa prosesinin müddətindən asılı olacaq.

Xatırladaq ki, Yuri Matias 90+1-ci dəqiqədə cərimə meydançası daxilində Mikelsin ayağına zərbə endirərək zədələnməsinə səbəb olub.

KƏNAN BAHADIR