Ötən həftə “Sabah”dan ayrılan Coy-Lens Mikelsin yeni klubu müəyyənləşib.

"Football-plus.az" xəbər verir ki, almaniyalı hücumçu karyerasını Səudiyyə Ərəbistanının “Əl-Feysəli” klubunda davam etdirəcək. Bu barədə sözügedən klubun saytı məlumat yayıb.

İmzalanma mərasimində "Əl-Feysəli"nin idarə heyətinin rəhbəri Əbdül Məcid bin Əbdüləziz Əl-Aimin də iştirak edib.

Xatırladaq ki, Coy-Lens Mikels 2021-ci ildən “Sabah”da çıxış edirdi. O, bu müddət ərzində meydana çıxdığı 69 oyunda 33 qol vurub.

Yeri gəlmişkən, bu keçid ətrafında ən çox maraq doğuran suallardan biri də "Sabah"ın müəyyən məbləğdə pul əldə edəcəyi idi. Dünən klubun mətbuat katibi Elnur Həmidovla əlaqə saxladıqda məlum oldu ki, ərəblər hələ də nəzərdə tutulan vəsaiti köçürməyib.