Mats Hummels futbolçu həyatı ilə bağlı vacib qərar verib. Bu barədə insayder Fabritsio Romano məlumat yayıb.

"Football-plus.az" xəbər verir ki, “Roma”nın futbolçusu peşəkar karyerasını başa vurmaq qərarına gəlib.

36 yaşlı mərkəz müdafiəçisinin İtaliya klubu ilə müqaviləsinin müddəti mövsümün sonuna qədərdi. O, sözləşmə qüvvədən düşəndən sonra komandanı tərk etmək və karyerasını başa vurmaq qərarına gəlib.

Almaniya yığması ilə DÇ-2014-ün qalibi olan Mats bu mövsüm “Roma”nın heyətində 19 matça çıxaraq 1 qol vurub. O, paytaxt klubuna yayda azad agent statusunda qoşulub.