Pepe futbolçu karyerasını başa vurmağa yaxındı.

“Football-plus.az” xəbər verir ki, portuqaliyalı müdafiəçi barədə jurnalist Rudi Qalettin məlumat yayıb. Səudiyyə Ərəbistanı klubları azad agent statusunda olan oyunçunu transfer etməkdə maraqlıdı. Lakin 41 yaşlı futbolçu peşəkar karyerasını başa vurmaq istəyir. Daha əvvəl Pepe ilə “Selta”nın maraqlandığı haqda xəbərlər yayılmışdı.

Xatırladaq ki, onun sonuncu klubu “Portu” olub. Pepe 2019-cu ilin yanvarında azad agent kimi “Beşiktaş”dan Portuqaliya klubuna keçib. Ötən mövsüm bütün turnirlərdə 34 oyuna çıxıb, 3 qol vurub və 2 məhsuldar ötürmə verib.