Qadın futbolçulardan ibarət millimiz bu gün Millətlər Liqasında 3-cü oyununu keçirəcək.

"Football-plus.az" xəbər verir ki, C Liqasının 4-cü qrupunda yer alan millimiz Nikşiçdə Monteneqro yığmasının qonağı olacaq. Nikşiç şəhər stadionunda təşkil olunacaq qarşılaşmanı Andorradan olan hakimlər briqadası idarə edəcək. Görüş Bakı vaxtı ilə saat 20.00-da başlayacaq. Hazırda hər iki komanda hərəyə 4 xalla turnir cədvəlinin ilk iki pilləsini bölüşür.

Qeyd edək ki, yığmamız qrupdakı ilk oyununda Monteneqro ilə Bakıda heç-heçə edib - 0:0. Millimiz ikinci matçda isə səfərdə Litvaya qalib gəlib - 2:0.

Monteneqro - Azərbaycan
Hakimlər: MARTA SAN XUAN, Karlos Qonçalves, Luis Akosta, Antuan Şaramonti (Andorra)
8 aprel. Nikşiç, şəhər stadionu. Saat 20.00.
Xallar: Monteneqro - 4, Azərbaycan - 4, Litva - 0