''Oyun haqda çox söz deməyə ehtiyac yoxdu. Son 12 gün ərzində klubun işçiləri də daxil olmaqla 25 nəfər xəstələnib. Onlardan 12-13 nəfəri futbolçudu. Belə görürəm ki, bu xəstəlik İranda və bölgələrdə geniş yayılıb. Bütün oyunçulara əllərindən gələni etdiklərinə görə minnətdarlığımı bildirirəm. Klubun tibbi personalına da ayrıca təşəkkür düşür. Çünki oyunçuların oyuna çıxa bilmələri üçün əllərindən gələni edərək gecə-gündüz çalışdılar. Son günlər az qala hər məşqdən öncə 2-3 futbolçunun xəstələnməsini eşidirdik. Onları məcbur olub evə göndərirdik. Hətta oyun günü səhər oyananda da bu cür xəbər eşitdik. Yenə 2-3 futbolçunu itirdik və onların xidmətindən yararlana bilmədik. Ona görə də bu vəziyyətdə heç kimi günahlandıra bilmərəm. Bacardığımızı etdik. Rəqib də yaxşı mübarizə apardı. Onları da tebrik edirəm”.