Türkiyənin tanınmış mütəxəssislərindən olan İsmayıl Kartalın çalışırdırdığı İran təmsilçisi ''Persepolis'' yüksəlişini davam etdirir.

''Football-plus.az'' xəbər verir ki, İran çempionatının 23-cü turunda ''Persepolis'' ''Malavan''I qəbul edib. Tehran təmsilçisi fanatlarını 2:0 hesablı inamlı qələbə ilə sevindirib. İlk yarıda Əli Əlipur fərqlənibsə, yekun nəticəni ikinci hissədə qol vuran Sərdar Dursun müəyyənləşdirib.

Kartal İrana yollandıqdan sonra ilk növbədə həmyerlisi Sərdar Dursunu transfer etdirdi. Təcrübəli forvard hələ ki, ümidləri doğrultmağı bacarır. Sərdar ötən turda da komandasının səfərdə minimal hesabla qalib gəldiyi oyunda yeganə qolun müəllifi olmuşdu. Dursun artıq çempionatda 5 oyuna 3 dəfə fərqlənib.

“Persopolis'' ardıcıl 3-cü qələbə ilə xalını 47-yə çatdıraraq liderliyə yüksəldi. Çünki 46 xallı ''Sepahan'' bu tur büdrəyərək aktivinə yalnız 1 xal yazdi. Amma hələ ki, üstünlük ''Traktor''dadı. Təbriz təmsilçisi 45 xalla 3-cü pillədə qərarlaşsa da, ''Persepolis''dən 2 oyun az keçirib.

''Persepolis'' Kartal ilə çempionatda keçirdiyi 6 oyundan 4 qələbə, 2 heç-heçə ilə ayrılıb. Amma komanda Asiya Çempionlar Liqasında ilk ''8-liy''ə düşə bilmədiyi üçün mübarizəni dayandırmalı olub.

ƏLİ