“Kəpəz” Misli premyer-liqasının 29-cu turunda “Sabah”ı səfərdə 1:0 hesabıyla məğlub etməklə elitada qalmaq şansını bir qədər də artırdı.

“Football-plus.az” qonaqların baş məşqçisi Azər Bağırovun oyunsonrası mətbuat konfransından hesabatı təqdim edir.

- Aprel döyüşlərinin ildönümüdü. Qarabağda şəhid olan qardaşlarımıza Allahdan rəhmət diləyirəm. Maraqlı oyun alındı. Qolumuzu vurub, müdafiəyə çəkildik. İstədiyimiz nəticəni qazandıq.

- Bəzi tendensiyalar təkrarlanır?
- Futbolçuların üzərində böyük təzyiq var. İstər-istəməz futbolçular itirməkdən qorxur. Güclü rəqiblərə qarşı rahat oynayırıq.

- “Səbail”lə xal fərqi 7-yə yüksəldi. Artıq elitada qaldığınızı deyə bilərikmi?
- Xeyr. Qarşıda 7 tur var. 3 xallıq sistemlə keçirilən çempionatda bunu demək çətin olar. Döyüş davam edir.

- Son bir həftə ərzində komanda barədə söhbətlər gəzir. Növbəti mövsümdən əvəzlənəcəyiniz deyilir.
- Mənim cavablaya biləcəyim sual deyil. Mən bu vəzifəmin öhdəsindən gəlməliyəm. Son dönəmlərdə rəhbərliklə danışıqlarda müsbət fikirlər var.

- Belə söz-söhbətlər sizi ruhdan salmır ki?
- Bir az narahatlıq yarada bilər. Meydanda futbolçuların döyüşdüyünü gördüzsə, boş söhbətdi.

ƏSƏD SEYİDOV