Xabi Alonsonun “Bayer-04”ün baş məşqçi postundakı aqibətinə aydınlıq gəlib.

O, mövsümün sonunda klubu tərk edəcək. Bu barədə “Daily Mail” qəzeti “Eurosport” kanalına istinadən məlumat yayıb. 42 yaşlı ispaniyalı mütəxəssisin Almaniya klubu ilə müqaviləsinin müddəti 2026-cı ilin yayına qədər olmasına baxmayaraq, o, daha potensiallı klublara getməyə hazırdı. Alonso gələn mövsümdən “Real” və “Bavariya” klublarından birini çalışdıra bilər. İspaniya klubunun prezidenti Florentino Peresin komandanın uğursuzluğu fonunda mütəxəssislə əlaqə saxladığı bildirilir. Həmçinin “Bavariya”da da hər şey sabit olmadığından mütəxəssislə maraqlanırlar.

Alonso “Bayer-04”ü 2022-ci ilin oktyabrından çalışdırır. O, ötən mövsüm Leverkuzen klubu ilə Almaniya çempionluğunu qazanıb.