Ançelotti: “Mən bunun fırıldaq ola biləcəyini düşünmürdüm”
Karlo Ançelotti məhkəmə qarşısına çıxıb.
"Football-plus.az" xəbər verir ki, “Real”ın baş məşqçisi növbəti dəfə vergidən yayınmaqda ittiham olunur.
İtaliyalı mütəxəssis 2014 və 2015-ci illərdə yalnız klubdakı maaşına görə vergi ödəyib və əlavə gəlir mənbələri üçün vergidən yayınıb. Borcun ümumi məbləği 1 milyon 62 min avro təşkil edib. Ançelottinin 4 il 9 ay müddətinə həbs oluna biləcəyi iddia edilir. 65 yaşlı məşqçi “Real”ı 2021-ci ildən çalışdırır. O, 2013-15-ci illərdə də bu komandaya başçılıq edib.
Aprelin 2-də Madrid məhkəməsi qarşısına çıxan don Karlo “Real”ın ona maaşının bir hissəsini imic hüquqlarına görə ödəniş şəklində almağı təklif etdiyini deyib:
“Mən yalnız 3 il ərzində 6 milyon “təmiz pul” alacağımı düşünürdüm. Heç vaxt nəyinsə səhv olmasından şübhələnməmişəm və prokurorluğun məni araşdırdığına dair heç bir xəbər almamışam. “Real” mənə imic hüquqlarına görə ödəniş təklif edəndə ingiltərəli məsləhətçimlə əlaqə saxladım. Bu, mənə düzgün göründüyü üçün ətraflı danışmadım. Mən bunun fırıldaq ola biləcəyini düşünmürdüm”.
Digər xəbərlər
