Karlo Ançelottiyə Səudiyyə Ərəbistanından cəlbedici təklif gəlib.

"Football-plus.az" xəbər verir ki, bu ölkənin Dövlət Sərmayə Fondunun nümayəndəsi “Real”ın baş məşqçisinə yerli klublardan birində çalışmaq təklifi edib.

“As” qəzetinin məulmatına görə, italiyalıya bir neçə milyon dollarlıq müqavilə təklif olunub. Lakin Ançelotti qəti şəkildə bundan imtina edib. Qeyd edək ki, Dövlət Sərmayə Fondu bir sıra klublara, o cümlədən Kriştiano Ronaldonun oynadığı “Əl-Nəssr”ə sahibdi.

Yeri gəlmişkən, bir neçə həftə əvvəl Braziliya Futbol Konfederasiyasının prezidenti Ednaldo Rodriges Ançelottinin “Real”la müqaviləsinin müddəti başa çatdıqdan dərhal sonra Braziliya millisinə rəhbərlik edəcəyini bəyan etmişdi. 64 yaşlı mütəxəssis İspaniya klubunda 2021-ci ildən çalışır. O, “Real”a 2013-15-ci illərdə də başçılıq edib.