Mahir Emrelinin şərəfini qoruduğu “Nürnberq”in ciddi maliyyə sıxıntısıyla üzləşdiyini yazmışdıq.

Almaniyanın 2-ci bundesliqasında mövsüm sona yaxınlaşdıqca bu məsələ daha çox gündəmə gəlməyə başlayıb. Ona görə ki, klub artıq növbəti “futbol ili”nin cizgilərini cızır və bu dəfə eyni səhvləri təkrarlamaqdan maksimum qaçmaq lazımdı.

Maraq üçün qeyd edək ki, “Nürnberq” 53,13 milyon avro dəyərindədi və bu mənada çempionatın ən bahalı ikinci klubudu. Komanda mövsüm ərzində ən çox pul xərcləyənlər arasında da ikinci sıradadı. Yerli “Bild” qəzeti bunu klubun həm yeni daha böyük və müasir standartlara cavab verən stadion inşa etməsiylə əlaqələndirir, həm də heyətdəki futbolçuların maaşıyla. Odu ki, əsas məsələdən bəhs edək.

“Nürnberq” yay “transfer pəncərəsi” dövründə heyətdə dəyişikliklər edəcək. Kollektiv bundesliqaya vəsiqə qazansa da, qazanmasa da. Təbii ki, belədə ağlımıza gələn ilk sual Mahirin taleyi ilə bağlıdı. Düzdü, futbolçu komanda bundesliqaya vəsiqə qazanacağı təqdirdə burda qalacağını açıqlayıb. Amma “Bild” belə demir.

Klubdan informasiya əldə edən həmkarlarımızın iddiasına görə, “Nürnberq”in idman direktoru Yoti Çatzialexiou futbolçulardan yalnız 20 yaşlı Dustin Forkelin karyerasını klubda davam etdirəcəyinə əmindi. Buna səbəb oyunçunun məhz “Nürnberq”in yetirməsi olmasıdı. Yəni qalan bütün futbolçular müqəddəratını özü həll etməlidi. Təbii ki, oyunuyla, bacarıqlarını statistikalara yansıtmaqla və xarakteriylə.

Bununla belə “Bild” müqavilə müddəti cari mövsümün sonunda bitəcək Mahir və Lukas Şleymer ilə yanaşı, 2026-cı ilin yayına qədər klubla sözləşməsi olan Benyamin Qollerin komandadan ayrılmaq ehtimalının çox yüksək olduğunu yazıb. Çatzialexiou adı çəkilən nəşrə açıqlamasında məlumatları təkzib etməməklə yanaşı, növbəti mövsüm üçün hücumçular axtardığını bildirib: