"Araz-Naxçıvan" Misli premyer-liqasının 28-ci tur matçında "Neftçi"nin meydanından "sülh"lə ayrıldı - 1:1.

"Football-plus.az" xəbər verir ki, "qırmızı-ağlar"ın baş məşqçisi Elmar Baxşıyev oyunsonrası mətbuat konfransında jurnalistlərin suallarını cavabladı.

- Gərgin oyuna şahidlik etdik. Komandalar meydanda yaxşı mübarizə apardı. Düzdü, uduzmaq təhlükəsi dı var idi, amma qalib gələ də bilərdik. Belə oyunda bir xal da vacibdi. Futbolçularıma təşəkkür edirəm. Növbəti matçlara hazırlaşacağıq.

- Sanki meydana bir xal üçün çıxmışdız...
- Biz belə düşünmürük. Fərqli görürük. "Neftçi" yaxş təşkilatlanmış komandadı. Nə edək? Biz oynayaq, "Neftçi" baxsın? Rəqib bizə təzyiq göstərdi. O başqa məsələ ki, komandalar ehtiyatla oynayırdı.

- Sanki fikriniz "Qarabağ"la matçda idi. Kubok oyununu düşünürdüz?
- Yox, bu oyuna da maksimum nəticə üçün çıxmışdıq. Üç gündən bir oynayırıq. Heyətdə 4-5 futbolçunun olmaması çətinlik yaradır. Qış fasiləsindən sonra zədəli futbolçuların sayı artıb. Bunun nəylə bağlı olduğunu bilirik, amma sizə deməyəcəm. Bizə aid olan məsələdi. Komandam möhkəmdi. İnanıram ki, həm kubok, həm də premyer-liqa oyunlarında iddiamızı ortaya qoyacağıq.

KƏNAN BAHADIR