''Düzdü, bir çox klub Ardaya maraq göstərir. Amma indiyə qədər ''Real''a heç bir rəsmi təklif gəlməyib. Elə Arda özü də ayrılmaq barədə düşünmür. Məncə, onun üçün ən yaxşı variant daha bir mövsüm Madriddə qalmaqdı. Gələn mövsüm də az oynamaqda davam etsə, artıq başqa kluba icarəyə yollanmaq ehtimalı barədə düşünə bilər. Ancaq Arda səbrli olmalıdı. Çünki ''Real''da tələsməklə yox, əzmlə uğur qazanılır. Ardanın əleyhinə olan ən önəmli məqam hazırda ''Real''ın hücum bölgəsində inanılmaz bir rəqabətin yaşanmasıdı. Mbappe, Vinisius, Rodriqo, Bellingem, Braim Dias... Bu oyunçuların hamısı hazırda Karlo Ançelotti üçün Ardadan daha üstün durumdadı. Üstəlik ''Real'' yaxşı formadadı və Ançelottinin tez-tez rotasiyaya əl atmasına da ehtiyac yoxdu. Digər tərəfdən türkiyəli futbolçu özü də ötən mövsümlə müqayisədə bu mövsümü zəif keçirir. Şans qazandığı oyunlarda ötən ilki səviyyəsini göstərə bilmir''.