Harri Keyn artıq “Bavariya”nın maraq dairəsində deyil.

"Football-plus.az" xəbər verir ki, Almaniya klubunun rəhbərliyi “Tottenhem”in hücumçusunu almaq fikrindən daşınıb. Münhenlilər onun yaşı və xarici ölkədə çıxış təcrübəsinin olmaması səbəbindən yeni liqaya və komandaya uyğunlaşmaqda problem yaşaya biləcəyindən narahatdılar. Keyn karyerası boyunca yalnız premyer-liqada oynayıb.

29 yaşlı futbolçunun transferində “Mançester Yunayted” də maraqlıdı. Keynin “Tottenhem”lə müqaviləsinin müddəti 2024-cü ilin yayına qədər nəzərdə tutulub. O, bu mövsüm premyer-liqada 32 oyuna 25 qol vurub.