“Əl-Nəssr”in hücumçusu Kriştiano Ronaldo haqda yeni transfer iddiası yayılıb. “Abendzeitung Münih” nəşri portuqaliyalı hücumçunun “Bavariya”ya transfer oluna biləcəyini yazıb.

“Football-plus.az” xəbər verir ki, məlumata görə, “Bavariya”nın idarə heyətinin sədri Oliver Kana milyarder Markus Şöndən elektron məktub göndərilib. Məktubda iş adamının Münhen klubu ilə işbirliyində maraqlı və Ronaldonun “Bavariya”ya transferi üçün pul ödəməyə hazır olduğu vurğulanıb.

Qeyd edək ki, ötən ilin dekabrında “Əl-Nəssr”ə transfer olunan Kriştiano bu komandanın formasında meydana çıxdığı 17 matçda 13 qol vurub və 2 məhsuldar ötürmə verib.