Millinin oyunları ilə əlaqədar Misli premyer-liqasında yaranan fasilədən istifadə edən “Araz-Naxçıvan” məşqlərini davam etdirir.

"Football-plus.az" xəbər verir ki, komanda bu gün Binə qəsəbə stadionunda hazırlıq keçib. Zədəli futbolçulardan Miço Kuzmanoviç və Bəxtiyar Həsənalızadə fərdi məşqlə kifayətlənib.

Kollektivlə çalışan Ramon Maçadodan fərqli olaraq Mustafa Əhmədzadənin müalicəsi davam edir.

Qeyd edək ki, “Araz-Naxçıvan” Misli Premyer Liqasının 28-ci turunda “Neftçi”nin qonağı olacaq. Martın 29-da keçiriləcək qarşılaşma 16.45-də start götürəcək.