Lautaro Martines DÇ-2026-nın seçmə mərhələsinin qarşıdakı matçlarında Argentina yığmasına kömək edə bilməyəcək.

“İnter”in hücumçusu əzələ narahatlığı yaşayır. Bu səbəbdən milli komandanın məşqçilər heyəti 27 yaşlı futbolçunun sağlamlığını riskə atmamaq qərarına gəlib.

Lautaro “İnter”ə qayıtmalı olub. Argentina martın 22-də Uruqvay, 25-də isə Braziliya ilə qarşılaşacaq.

Qeyd edək ki, Lautarodan əvvəl oxşar zədə səbəbindən “İnter Mayami”nin forvardı Lionel Messi ilə “Roma”nın hücumçusu Paulo Dibala da milli komandaya qoşula bilməyiblər.