Xosep Qvardiola bütün çətinliklərə baxmayaraq, komandasındakı fəaliyyətini davam etdirmək istədiyini dəfələrlə dilə gətirib. Amma “Mançester Siti”nin rəhbərliyi baş məşqçi ilə yolları ayırmağa hazırlaşır.

Bunu “E-notices” iddia edir. Bu mənbəyə inansaq, İngiltərə klubu qeyri-qənaətbəxş nəticələrə görə ispaniyalı mütəxəssisi istefaya göndərmək qərarına gəlib. Deyilənə görə, boslar artıq yeni baş məşqçi axtarışına da başlayıb. Onların baş məşqçi vəzifəsinə İspaniya yığmasının və “Barselona”nın sabiq futbolçusu Fransesk Fabreqası gətirmək istədiyi qeyd olunur. Fabreqas hazırda “Komo”ya rəhbərlik edir. İddiaya əsasən, MS rəhbərliyi yayda mütəxəssisi razı salmaq üçün əlindən gələni edəcək.

Xatırladaq ki, Qvardiola MS-ni 2016-cı ildən çalışdırır. İngiltərənin son çempionu olan komanda hazırda premyer-liqanın turnir cədvəlində 48 xalla 5-ci yerdədi. “Şəhərlilər” Çempionlar Liqasında mübarizəni pley-off-da başa vurub.