Fransesk Fabreqas yeni təyinat alıb.

"Football-plus.az" xəbər verir ki, məşhur sabiq futbolçu bundan sonra da “Komo”ya xidmət edəcək.

36 yaşlı mütəxəssis İtaliya çempionatının B seriyasında çıxış edən “Komo”nun müvəqqəti baş məşqçisi təyin edilib. O, yeni baş məşqçi təyinatına qədər bu vəzifəni icra edəcək. Fabreqas bazar gününə qədər bu klubun U-19 komandasını çalışdırırdı. İtaliya mətbuatının xəbərlərinə görə, rəhbərlik baş məşqçisi Moreno Lonqo ilə sürpriz şəkildə yolları ayırıb. Məsələ ondadı ki, komanda hazırda heç də pis çıxış etmir: 12 oyuna 21 xal toplayan“Komo” 2-ci divizionda 6-cı yeri tutur. Ehtiyatda bir oyunu olan komanda lider “Parma”dan 8 xal geri qalır. Lonqonun yerinə müvaqqəti təyinat alan Fabreqas əsas komandada ilk dəfə baş məşqçinin səlahiyyətlərinin yerinə yetirəcək.

Xatırladaq ki, futbolçu həyatını “Arsenal”, “Barselona”, “Çelsi” və “Monako”da keçirən İspaniya yığmasının sabiq yarımmüdafiəçisi karyerasını buy ay məhz “Komo”da başa vurub.