Argentina çempionatında 8-ci turun oyunlarından sonra hər iki qrupda üçhakimiyyətlilik yaranmışdı. 9-cu turdan sonra A qrupunda iki, B qrupunda isə bir komandanın liderliyi formalaşdı.

Hesabat turunun diqqəti ən çox cəlb edən faktları isə son çempionun uğursuz seriyalarını dayandırması oldu.

Bəli, nəhayət ki, “Veles Sarsfild”in qol və qələbə həsrəti sona çatdı! Argentinanın son çempionu ilk 8 turda hesabına yalnız 2 xal yazmış və qol vura bilməmişdi! Cari mövsümün bu dərəcədə fiasko ilə başlaması Sebastyan Domingesin bu ildən çalışdırdığı paytaxt komandasındakı fəaliyyətini yalnız iki aya sığdırdı. 8-ci turun “Atletiko Urakan” ilə ev oyununda 0:2 hesablı məğlubiyyət rəhbərliyi 44 yaşlı mütəxəssis ilə əməkdaşlığı dayandırmağa vadar edib. Domingesin yerinə təyinat alan Marselo Bravonun 2023-cü ilin martında və iyununda komandaya müvəqqəti rəhbərlik etdiyini xatırladaq. “Veles”in sabiq yarımmüdafiəçisi baş məşqçi səlahiyyətlərini yenə də müvəqqəti icra edəcək. 40 yaşlı mütəxəssisin bu postda 3-cü debütü uğurlu alındı. Amma “göy-ağlar”ın rəqib baxımından bəxtinin gətirdyini də qeyd etməliyik. Belə ki, çempion evdə B qrupunda hesabat turuna özündən 4 xal çox toplamaqla 12-ci yerdə başlayan “San Martin San Xuan”la qarşılaşdı. Paytaxt komandasının bəxti oyunun gedişində də gətirdi. Qonaqların yarımmüdafiəçisi Yakobellisin 67-ci dəqiqədə rəqibə qarşı kobudluğa görə birbaşa qırmızı vərəqə ilə cəzalanması ev sahiblərinin işinə yaradı. Brayan Romeronun 80-ci dəqiqədə qapıya yol tapması bu mövsüm üçün ikiqat əlamətdar oldu: ilk qol çempiona ilk qələbəni gətirdi! Amma bu qələbə “Veles”in B qrupunda sonuncu - 15-ci yerdəki mövqeyini dəyişmədi.

Son mövsümün digər mükafatçıları da uğursuzluq zolağından heç cür çıxa bilmirlər. “Talyeres de Kordoba” evdə “Rosario Sentral”dan yalnız bir xal ala bildi. Rəqibin B qrupunda tura şərikli liderlərdən biri kimi başladığını nəzərə alsaq, qolsuz heç-heçəni kordobalılar üçün qənaətbəxş nəticə saymaq olar. Amma bu nəticə ötən mövsümün gümüş mükafatçısı olan Aleksander Medinanın çalışdırdığı komandanı qrupda keçirdiyi 8 oyuna 6 xal toplamaqla 13-cü yerdə görünməsinə şərait yaratdı.

Ötən mövsümün bürünc medalçısı “Rasinq” bu turda da hesabına xal yaza bilmədi. Avelyanedalılar evdə “Atletiko Urakan”a yeganə qolla uduzdular. Amma bu nəticə Qustavo Kostasın komandasının A qrupunda 10-cu yerdəki mövqeynə təsir etmədi.

Bu qrupda tura hərəyə 15 xalla şərikli liderlər kimi başlayan üç komandadan ikisi qələbə qazandı. “Arxentinos Xuniors” səfərdə “Banfild”ə 2:1, “Tiqre” “Aldosivi”yə 2:0 hesabıyla qalib gəldi. Bu komandalar qrupdakı şərikli liderliyini qorudular. “Estudiantes” isə “Defensa y Xustisiya”ya minimal hesabla uduzaraq 1-ci yerdən 4-ə düşdü. “Tələbələr”in məğlubiyyətindən maksimum yararlanan “Boka Xuniors” “Sentral Kordoba” üzərində qələbə (3:0) ilə 4-cü yerdən 3-cü pilləyə yüksəldi.

B qrupunda tura 17 xalla başlayan üç komandadan yalnız biri qələbə qazandı. “İndependyente” səfərdə “San Lorenso”ya qalib gəlməklə xalını 20-yə çatdıraraq vahid lider oldu. Turu bir xalla başa vuran “Rosario Sentral” şərikli liderliyi itirsə də, 18 xalla 2-ci yerdə qaldı. “San Lorenso”nun məğlubiyyətindən isə “River Pleyt” maksimum yararlandı. Marselo Qalyardonun komandası “Atletiko Tukuman”a evdə 1:0 hesabıyla qalib gələrək 4-cü yerdən 3-ə çıxdı.

qrup mərhələsi, 9-cu tur
Veles Sarsfild - San Martin San Xuan 1:0
B.Romero, 80.

Talyeres de Kordoba - Rosario Sentral 0:0

Rasinq - Atletiko Urakan 0:1
E.Ramires, 25.

Defensa y Xustisiya - Estudiantes 1:0
Tonyi, 87.

Aldosivi - Tiqre 0:2
Russo, 7. Besotsi, 81.

Banfild - Arxentinos Xuniors 1:2
D.Rodriges, 7-öz qapısına - Molina, 62. L.Qomes, 90+1.

Sentral Kordoba - Boka Xuniors 0:3
M.Ximenes, 16. Florentin, 36-öz qapısına. Merentyel, 89.

San Lorenso - İndependyente 1:2
Vomberqar, 22-p. - Milyan, 12. Loyola, 74.

River Pleyt - Atletiko Tukuman 1:0
Kolidio, 79.

Sarmyento - Barrakas Sentral 1:1
Manyin, 65 - Morales, 90+7.

İnstituto - Qodoy Krus 1:1
Batalyini, 42 - Andino, 37.

Ximnasiya - Deportivo Riestra 1:1
Murilyo, 90+5-öz qapısına – Alonso, 2.

İndependyente Rivadaviya – Union 2:0
Sekeyra, 38-p.; 55.

Platense - Lanus 0:0

Nyuellz Old Boyz - Belqrano 0:0

A qrupu
1. Tiqre 9 7 0 2 14-5 21
2. Arxentinos Xuniors 9 6 3 0 11-4 21
3. Boka Xuniors 9 6 2 1 12-5 20
4. Estudiantes 9 5 3 1 15-8 18
5. Atletiko Urakan 9 5 3 1 11-4 18
6. Defensa y Xustisiya 9 5 2 2 12-6 17
7. Sentral Kordoba 9 4 2 3 15-11 14
8. Barrakas Sentral 9 3 4 2 13-11 13
9. İndependyente Rivadaviya 9 3 4 2 10-9 13
10. Rasinq 8 3 0 5 13-11 9
11. Belqrano 9 2 3 4 7-16 9
12. Banfild 9 2 2 5 6-7 8
13. Nyuellz Old Boyz 9 2 1 6 4-12 7
14. Union 8 1 2 5 3-9 5
15. Aldosivi 9 0 2 7 6-20 2

B qrupu
1. İndependyente 9 6 2 1 15-7 20
2. Rosario Sentral 9 5 3 1 11-4 18
3. River Pleyt 9 5 3 1 8-3 18
4. San Lorenso 9 5 2 2 10-7 17
5. Deportivo Riestra 9 2 6 1 8-4 12
6. Ximnasiya 9 3 2 4 6-9 11
7. Platense 9 2 4 3 6-7 10
8. Lanus 9 2 4 3 5-6 10
9. İnstituto 9 2 2 5 6-8 8
10. Qodoy Krus (-3) 8 2 4 2 6-9 7
11. Atletiko Tukuman 9 2 1 6 9-13 7
12. Sarmyento 9 1 4 4 7-15 7
13. Talyeres de Kordoba 8 1 3 4 5-8 6
14. San Martin San Xuan 9 1 3 5 4-8 6
15. Veles Sarsfild 9 1 2 6 1-13 5

Bombardirlər: Vomberqar (San Lorenso) – 6, Avalos (İndependyente), Russo (Tiqre) - 5, Askasibar (Estudiantes), Kampas (Rosario Sentral), Kandia (Barrakas Sentral), N.Fernandes (Belqrano), A.Martines (Rasinq), Tonyi (Defensa y Xustisiya) - 4.