''Qalatasaray''ın və Türkiyə çempionatının əsas ulduzu Viktor Osimhen vurduğu qollarla komandasına önəmli xallar qazandırmaqda davam edir.

''Football-plus.az'' xəbər verir ki, nigeriyalı forvard ''Cim-Bom''da yalnız icarə əsasında çıxış etməsinə baxmayaraq mübarizə əzmi, komandaya can yandırması və hər top uğrunda ürəkdən mübarizə aparması ilə tək ''Qalatasaray''lıların yox, digər klubların fanatlarının da rəğbətini qazanıb.

Osimhen indiyə qədər ''sarı-qırmızılar''ın heyətində iştirak etdiyi 28 qarşılaşmada 22 qol, 5 məhsuldar ötürmə ilə fərqlənib. Son 6 rəsmi oyunda cəmi 1 qələbə qazanan ''Qalatasaray''da faktiki olaraq bu müddətdə səviyyəsi aşağı düşməyən yeganə futbolçu məhz Osimhendi.

Bəs görəsən Osimhenin qolları və məhsuldar ötürmələri olmasaydı ''Qalatasaray''ın indi neçə xalı olardı? Türkiyəli həmkarlarımız təmbəllik etməyərək bunu hesablayıblar və ortaya olduqca maraqlı rəqəmlər çıxıb.

26 yaşlı forvard superliqada iştirak etdiyi 20 oyunda aktivinə 16 qol, 4 məhsuldar ötürmə yazıb. Bu 16 qolu 11 fərqli oyunda vurub. Bu 11 oyunun 9-da onun qolları komandaya xal və xallar qazandırıb.

Məlum olub ki, bu futbolçu ötən yay Türkiyəyə gəlməsəydi, ''Qalatasaray'' indikindən 28 xal az toplayardı. Hazırda komandanın 65 xalı var. 28 xal çıxıldıqda qalır 37 xal. Yəni Osimhensiz ''Qalatasaray'' indi 37 xalla 6-cı pillədə qərarlaşardı! Gəlin, həm qol, həm də ötürmə baxımından Osimhenin qazandırdığı xallara diqqət yetirək.

Qol vurduğu oyunlar
Kasımpaşa (3:3): 2 qol (3 xal itirilə bilərdi)
Beşiktaş (2:1): 1 qol (2 xal itirilə bilərdi)
Samsunspor (3:2): 2 qol (3 xal itirilə bilərdi)
Sivasspor (3:2): 1 qol (2 xal itirilə bilərdi)
Göztəpə (2:1): 1 qol (2 xal itirilə bilərdi)
Hatayspor (1:1): 1 qol (3 xal itirilə bilərdi)
Konyaspor (1:0): 1 qol (2 xal itirilə bilərdi)
Çaykur Rizəspor (2:1): 2 qol (3 xal itirilə bilərdi)
Kasımpaşa (3:3): 2 qol (3 xal itirilə bilərdi)

Məhsuldar ötürmə verdiyi oyunlar
Eyüpspor (2:2): 1 ötürmə (3 xal itirilə bilərdi)
İstanbul BŞ (2:1): 1 ötürmə (2 xal itirilə bilərdi)