“Bəxtimizə güclü rəqiblər düşdü, amma hədəfə çatacağımıza inanırıq” – Əsgər Cəfərzadə
Xəbər verdiyimiz kimi, bu gün günorta saatlarında AFFA-nın inzibati binasında Region Liqasının yeni mövsümünün püşkü atılıb.
Turnirin ən iddialı komandalarından olan “İnşaatçı” A qrupunda bu rəqiblərlə mübarizə aparacaq: ŞKGB, “Şirvanovka”, “Gənclər”, “Lokomotiv”, “Ramana”, ATİDEL, “Record Club”.
İlk turun oyunları martın 8-9-da keçiriləcək, mövsümə mayın 25-də keçiriləcək final oyunu ilə yekun vurulacaq.
Uzun fasilədən sonra futbol ailəsinə qayıdan “İnşaatçı”nı püşkatmada klub prezidenti Adil Mahmudovla icraçı direktoru Əsgər Cəfərzadə təmsil edib. Əsgər bəy püşklə bağlı “Football-plus.az”a bunları dedi:
“İnşaatçı”nın bəxtinə güclü rəqiblər düşdü. Buna baxmayaraq, biz də güclüyük, hədəfimizə çatacağımıza inanırıq. 30 ildən sonra bərpa olunan “İnşaatçı”nın fəaliyyətinin uğurlu olacağına ümid edirəm”.
Yeri gəlmişkən, FİFA agenti və idman hüquqşünası olan Əsgər Cəfərzadə bu ildən klub funksioneri kimi də fəaliyyət göstərəcək.
ORXAN
Digər xəbərlər
