Azərbaycanlı FİFA agenti Əsgər Cəfərzadə dünən əməkdar məşqçi Adil Mahmudovla görüşüb.

“Football-plus.az” xəbər verir ki, Əsgər bəy işgüzar xarakter daşıyan görüşdə Mahmudova Avropanın bir neçə klubundan təklif olduğunu çatdırıb. FİFA agenti xüsusən də uşaq-gənclər futbolunun inkişafı sahəsində Mahmudovun əməyinə ehtiyac olduğunu düşünür.

Oktyabrda İngiltərəyə səfər edəcək Cəfərzadənin “Mançester Siti”nin akademiyasının təcrübəsini Azərbaycana gətirmək fikri var ki, bununla bağlı Mahmudovla fikirlərini bölüşüb.

Adil bəyin başqa ölkələrdə iş təcrübəsi var. O, bir müddət Gürcüstanda və İranda məşqçi kimi fəaliyyət göstərib.

ORXAN